HABI Beauty

效果：淚溝冇完全消失，仲多咗舊嘢喺塊面度 態度：雖然開口埋口都係親愛的，但係聽得出態度超級閪。做錯嘢死口唔認，仲想怪返落我度。 大概兩三年前 我喺Facebook 嗰啲扮靚關注組問大家邊度做眼袋好？咁就有個好心人（疑似係佢本人，佢fb名同佢真名有九成相似，過咗兩年先發現。）同我講佢做過呢一間，仲話佢屋企人見到有效果都走去做，跟住價錢都係兩萬蚊內，我覺得好似幾好，所以就去咗。 本來佢態度都好好嘅，佢都有講唔可以做太多，唔似做玻尿酸嗰啲可以打溶解針返轉頭，咁我當然聽佢話啦，佢話可以做我咪先做囉，呢個療程有兩年保養，俾錢後兩年內隨時可以再問佢幫你做，不過佢話做完一次之後最少要等幾個月先可以再做，咁我每次想做嘅時候候都會問咗佢意見先，佢話OK我先做。 咁好似做完第一兩次，我發覺我眼袋隔離多咗舊嘢，咁我就問佢啦，佢話我做咗先唔係幾耐要俾啲時間佢吸收，好我等。 好啦，而家等咗兩年啦，我再問佢，佢就話佢之前已經講過話唔可以做太多，而家我做多咗冇得返轉頭，唯有自己多啲做提拉（？嗰啲動作，同埋好似問親佢，佢都會覺得我好似質疑佢嘅專業咁樣，大佬咁而家有事梗係問你㗎啦我乜都唔識個喎，我有聽你講唔好做太多，亦都有聽你講等一段時間俾佢吸收，咁佢而家仲喺度喎？？咁點算先 期間我都有問佢療程用咗咩成份，以便我日後睇醫生可以俾多啲資料佢，但佢淨係send咗兩張圖，冇顯示到產品牌子，所以其實有啲鬼。 直到我終於預約咗整容外科醫生睇下，睇醫生前我問呢位店主會唔會支付返醫療費用，佢問點解要喺佢出？睇完醫生後，我如實咁同返店主講返醫生話我咩事（PLLA注射後造成嘅結節），佢同返我講，佢做過好多個客人都冇我咁嘅情況，佢自己都成日打，話我自己本人都唔知注射後會有呢啲咁嘅情況，點可以全部賴晒落佢度？佢仲要成日都錄音，慌死我唔知佢態度有幾閪咁。 加上佢亦唔係醫生，做呢啲入侵性療程需要有醫生牌，我都係之後先知。希望大家唔好中佢伏