成間野IG講到係專業做黑眼圈覆蓋術咁，HARD SELL到PK 去左3-4次 次次都係唔同既"所謂覆蓋師"同我做療程 一開始信左所以去左做，本來只預去做3次，一開始去到佢就不停sell話呢個不足果到不足，只上色係唔夠，話要做咩rrs眼部療程話補充膠原先有用，完全唔會講左價錢先，講到天花龍鳳咁講到一半，我問佢咁呢個所謂既RRS幾錢，佢仲好厚面皮咁講：好平嫁咋，如果買10次，都只係16xx？定12xx一次，我都唔記得左幾錢，痴線 仲貴過原本做黑眼圈覆蓋術，我講左話唔需要，佢就話唔跟呢個會冇效果，所有客都有跟呢個做，比佢hard sell左40分鐘，逼於無奈買左，佢仲寫左時間表比我，講明話"RRS同覆蓋術可以同時做" 第二次上去，係第二位同我做，我講明要做上色＋RRS，佢突然就話如果要上色＋RRS同時做，要買另一部機，問我要唔要升級改plan? 我問佢：下 上次條友話可以同時做嫁喎，仲寫哂時間表，點解要升級改機改plan? 佢仲話唔係嫁，唔可以同時做嫁，升級第二部機先可以同時做，仲好快嫁 我問佢 咁升級要幾錢呀？ 佢話：3次上色 每次加3千幾蚊咋嘛 升級效果會好好多 第一次已經比左成萬蚊，第二次上去未開始做，又hard sell我要我比多成萬蚊 真心當人水魚，我話我唔需要啦，咁你分開幫我做啦 然後變左又冇得上色，only做垃圾rrs，完全冇feel冇感覺，個價錢可以出去打幾次針 途中仲不停sell我其他facial，我話唔需要，最後佢就sell我佢D產品，咩修復霜，佢話做上色一定要跟，係必須的。我問佢幾錢呀？佢話：好平咋嘛 1280咋 真心痴線，呢個價錢我出面買到幾支啦，我話咁貴呀 咁唔需要啦 然後坐門口聲好大果位大肚婆即刻好急咁衝過來，話唔可以唔買，sell到天花龍鳳咁，最後我都係拒絕左 第三次上去，一開始係坐門口聲好大果位大肚婆入左房hard sell左我先，講左大概40分鐘，又話要買呢個買果個先得，仲評我五官評左一論，之後開始做時，又係另一位同我做，一邊做又一邊sell，今次唔知點解 唔洗升級呀 RRS同上色可以同時做，即上一次想當我水魚咁比成萬蚊做所謂升級。 坐程一共個半鐘，1個鐘聽佢hard sell，20分鐘做(上色唔洗5分鐘完哂，10分鐘mask，簡單講佢所有療程都冇效果 都好垃圾，只有紅腫同過敏 仲剩幾次，每次上去都好驚，大家要小心

我本身係Derme_長期客戶，喺四月嘅時候去做facial 佢哋推銷我再買套票。喺四月嘅時候我嘅情緒好差起伏好大，我當日上去嘅時候其實情緒都係有問題。顧問嗰時Sell我，我就買左48000既套票。到我做完之後同朋友傾偈講咗俾佢知係美容院啱啱買咗套票，朋友就覺得我最近嘅情緒有問題，嗰下會唔會係比情緒影響咗呢？？ 咁跟住我哋就去咗睇精神科醫生，經醫生嘅診斷 醫生話我係有「幻聽 、思覺失調、妄想、被害妄想」之後我就一路keep住食藥，最後決定離開香港去休養。 我準備就會離開香港去休養，所以今日我朋友就陪我上去美容院帶埋醫生紙，諗住傾退款。我哋一開始都係好有歉意咁樣同經理講。因為都知道麻煩到人哋，然後經理話叫我哋坐，等品牌經理回覆。我哋問大約要幾耐？（因為本身都坐咗45分鐘）然後經理話唔知。我哋問可唔可以俾佢個電話我哋直接溝通。經理就話佢冇品牌經理電話。然後仲拋下一句「你自己上網check啦」我哋真係呆咗，真係冇諗過喺香港數一數二嘅美容院嘅經理態度可以差到咁樣。

whatsapp報價和實際上門報價完全不同，差咗$1000以上，公司同師傅溝通出錯，客服完全幫唔到手處理，逼個客硬食，師傅仲要遲到2小時

初初搵jo_studuo.hk整係幾整得幾好嘅，但最近幾次都係約最尾個美甲時段，佢就好似趕收工咁，整得好求其，又整到我流晒血咁。 係過程中，唔會問你介唔介意佢食煙，直接一路食一路整。 另外，節日前會有附加費，但預約時無收到通知，整完就直接收節日價錢。

於此店 進行了紋唇療程 預約前沒有說明 要補多次顏色 進行中的時候感覺到 美容師 很隨便上色 而且 在進行過程中不停告訴 需要多次補色 完成後亦沒有 再告知任何做完後需要留意的事項 只是不停游說買套票 6次 後期在網上亦看見有很多人 說明同一個問題 最後 大概一個月左右已經沒有顏色了

上次去呢間gel甲，雖然環境好乾淨，但係服務一啲都唔好。我去嘅時候有friend陪住，佢都寫明可以攜伴，咁我同friend傾計，佢就細細聲嘖我哋。之後佢問我要修咩甲型，我話跟圖，尖少少可以，結果佢修到我啲指甲貼晒肉，仲痛咗一個禮拜，依家啲指甲都長度不一，甲型好奇怪。我俾佢個張圖係人哋嘅穿戴甲，有少少透明底，跟住佢上手嘅時候冇遮到指甲線，佢上top之前有問我o唔ok，我話好明顯嘅指甲線，佢直接攞啲白色顏料拍咗兩吓就話搞掂，但真係好核突。。。而且gel甲有好大條安全線，指尖都冇完全包圍到gel，依家已經開始發黃。

Gel 甲中伏 個漸進式搞到好似瘀血咁 同埋個格仔咩事勁求其 又唔平 😢 好核突好失望 同張圖完全唔同 我嘅漸進式呢？ 小心揀舖頭

依間野 個衰女人叫yoko 唔好幫襯呀 就係佢講明 唔會sell，無隱藏式收費 但上到去係甘sell 脫疣$388/$588，原來唔係指全面或全頸 仲有分面上、下part，頸就分前頸、後頸 再原來有得搽舒緩膏（類似麻醉膏） 但逐part計，每part$100 我做脫疣 係第一次 真係唔識 約時有講我第一次做 亦有問清楚會唔會sell，有無額外收費嗰個，yoko話唔會sell，無額外/隱藏式收費 我話做 $388 面脫疣，佢話另加$700可以做埋頸 上到去，訓低先知$388原來唔係全面（約時佢無講有分部位） 只係塊面嘅其中一part 面部係有分上part 下part 而頸有有細分前頸、後頸 再問我做$388定$588 我問我個樣甘多疣，即係計幾多part？幾多錢？$388 同 $588 又有咩分別？ 佢答：$388 係...(我唔記得叫咩啦)，$588 就係Co2laser 會康復得快啲，快啲結焦 我因為真係有需要做，就照做啦 最後揀咗 $588 x 4 parts 到脫果時，我好痛 佢問我：要唔要舒緩膏 我話要，佢先講原來落個落舒緩膏，要加 $100，又黎逐part計 咁我做4part，即係加$400啦 DKLM 我都肉隨針板上 乜都臨時講逐part計同加幾多錢 療程繼續果陣，係甘叫我買脫疣保養plan $8800 我話無甘多現金，亦無甘多喺銀行 最後由我當初以為嘅 $388 變左 $588 再以為 $388 / $588 全面 / 全頸甘 變左比 $588 x 4part ，加 $400 ( 4part 麻醉膏) + $398 買修復膏（支野係佢臨比我先話要$398嘅) 令我反感嘅係：刻意唔寫明 $388 只係單一部位，唔係全面全頸 去到又講有 $588 再比支舒緩膏我，之後先講要加錢買 遇著我依啲唔識脫疣玩法，但又真係有需要脫疣嘅就中左伏，以為$388成塊面，$700做晒頸 屌，原來唔係‼️ (做完兩三日睇返，先知佢有啲疣只係辣一辣就當整左囉）

黑店，事源我想整嵌甲系ig 搵到喱間野 之後上到去 整完 系咁sale 您做一年 要兩禮拜黎一次，咁我就碌左卡 。整一年吾緊要 。您整得好 我冇所謂 。 但系好笑既系 受後條款之類都冇講明又冇比人睇左張單先，碌完卡，係我主動提出要求要單據先sd 文件比我睇，佢地連會員卡都冇一張 。連單據都打錯 ！先欺騙成份話術叫我碌完卡之後，我要求商家出示單據先睇到 各種霸王條款，佢地叫我碌卡個時 都冇同我講 （您去買衫 人地都講話貨品賣出恕不退換/退款）現場都有要求退款，各種推銷話術辭，不肯全單退款，另外之前我都有買佢灰甲服務 。 經過幾番爭辯先肯退灰指甲項目 退完灰甲 之後過幾日又打嚟問我系咪 打左去銀行去cut左嵌甲數 個時我去左旅行 。又叫我打返比銀行講清楚 。九吾搭八 佢打黎之後 我唸唸下 。吾好煩 叫佢退埋嵌甲錢 佢又講以下句子 「馬蹄甲 係商品你已購買所有商品擺喺我哋度，然後你每次嚟我哋幫你免費安裝。馬蹄甲唔係服務 而係商品。 灰甲療程就係服務，所以我哋全數退返俾你。」喱句說話佢地當場都冇講過 系之後WhatsApp 講 。咁我都話2萬 您退返一半您都有賺啦 。講講下 機都吾應人。（已讀不回）有料 擺到明當人地系水魚囉。佢地真系好事後精。 佢地擺明就呃人錢啦 。都吾知系咪成日咁呃人錢 。騙徒手法果然系層出不窮。WhatsApp 又吾應機 。 大家千祈吾好再比佢地呃錢👿👿

收得唔平 仲要整到勁樣衰 收我6xx整到咁! 明明可以用拍拍膠做既漸層 佢用噴槍 仲要冇用膠紙遮住啲邊就咁噴 搞到指甲邊又黑 手指頭都黑埋 第二日都洗唔甩！！！ 仲要一邊淺色啲一邊深色 勁似乞衣 樣衰到我第二日就拆左😡 事隔幾個月 我都釋懷唔到呢套醜甲 damn 😡