OnLux

之前喺嗰度買咗個$288 脫毛推廣plan 咁見佢一路做脫毛嘅時候都淨係sell過我一兩次 都係啲我覺得OK嘅項目 同埋都冇好hard Sell 咁所以都有買一兩次試用 然之後買咗一個做facial嘅plan係10次 結果就即刻瀨嘢 做第二次Facial嘅時候就已經係咁Sell我 我約咗4:30 咁加埋去廁所嗰啲4.：45入到房瞓起到 之後幫我洗完面我諗應該10分鐘左右開始就係咁Sell我 又要我睇又剩 之後又換咗個人入嚟話我適合做嗰個plan 見我都係冇應承跟住幫我做facial嗰個就入返嚟 先至開始幫我做 跟住途中都一路喺度講 我已經唔係好答佢 佢都繼續喺度講 呢個情況不斷出現然之後我已經拒絕咗佢三次以上 都最後做完準備起身 都係咁要俾我睇 係我要同佢講我趕時間要離開不如你WhatsApp send俾我啦 佢先肯放我走 到最後我起身嘅時候已經係6:05 但係明明我呢個項目就係需要做45分鐘左右 極唔推介呢間嘢 佢一開始可能會唔Sell你 但見你買咗一個plan以上佢就會開始係咁Sell你 即係我都明白做呢行嘅要有業績 但都唔使咁樣

預約左19:30 做facial，大約19:40先入房，美容師大約19:45左右入房。 由落妝、洗面、清潔、導入，呢幾個step 只係用左15分鐘做完。 20:00 美容師好好咁提問有冇唔舒服？我當刻立即提出點解無針清修眉？美容師話本身package 無包，可能之前同事好人幫你整埋，不過最後佢都有幫我針清，跟住敷mask。 20:07分美容師就行出房門，真係快到呢，呢種情況已經出現過三次了~

約左6pm做facial 6:30都未入得 其實真係唔需要整預約，去到都係要等 最搞笑呢就係，明明上一個人遲到又扣一個人鐘 口口聲聲呢就話遲到呢就去cut 鐘 點知呢就係我呢個準時到嘅人 俾人cut鐘 真係搞笑 入到房又Sell 出咗房又sell 仲問我有冇興趣加小小 都有嘅 要預約同我傾囉