療程無用同超級hard sell，本身上去係想做黑眼圈覆蓋術 都預咗要做三次 但其實自問黑眼圈唔係真係話好嚴重 第一次去 佢一睇就話至少要做六次 同埋佢話眼頭有啲粒粒要做peel 去角質清走佢 然後有少少淚溝 話要做RRS微針 然後又話做完覆蓋術要做返修復機保濕 如果唔係效果就會唔好 即係做一個黑眼圈覆蓋術要額外做多三樣嘢先有效果？ 我本身話其他peel同保濕試咗一兩次先，佢話唔得 一買就要買六次，無得單次收費 最後咁算啦唯有照買 最後做咗幾次覆蓋術 已經頂唔順冇再去 每次做都會sell 你買其他眼部療程 每次做完都又紅又腫 而且完全無效果 佢地解釋仲話係正常 休息幾日就無事 感覺眼下嗰個位做到薄晒 因為佢係微針打落去皮膚到 最後一次去補色直情第日掂落去係痛 無用之餘仲要承受半個月嘅紅腫 真係再做唔落去